Urtero bezala Musikaren Nazioarteko eguna ospatzeko kolaborazio berezi bat eskainiko dugu. Aurten Goizargi Gospel Choir taldearekin elkarlanean arituko gara. Taldea Ramon Escale-k zuzentzen du eta Euskal Herriko ahotsik onenak biltzen ditu. Gospel estiloan erreferente izatera bideratuak daude euskal panoramako musikari indarra eginez.

Prestaketa lanak urrian hasi ziren eta hilabeteak daramatzagu lanean. Beti bezala, kontzertua Ane Legarretak zuzenduko du. Musikaz, mugimenduz eta oholtzako efektu bereziz betea dator ikuskizuna.

Emanaldia Getxoko Muxikebarri zentroan izango da ekainaren 12an, 19:30etan. Baina goizean, entsegu orokor bat egingo dugu eta gure ateak zabalik izango dituzue, soinu frogak eta kontzertuko azken ukituak nola bideratzen ditugun ikusteko. Dagoeneko kontzerturako sarrerak Kutxabank web gunean salgai daude edo Getxoko Kultur Etxeko leihatiletan ere. Goizeko entsegurako gonbidapenak laster izango dituzue eskuragarri. Ez ezazu aukera galdu!