Bost urte dira Musikalia Elkartea sortu genuenetik eta atzera begiratze hutsak harritu egiten gaitu, eskainitako emanaldien kopurua ikusterakoan. Proiektu ezberdinak burutu ditugu denbora tarte honetan, formatu eta kolaboratzaile ezberdinekin batera, baina orain arte ez dugu aukerarik izan gabonetako kontzerturik eskaintzeko.

Irailean gure Kimetzeko lagunekin elkartzeko aukera izan genuen. Irribanda proiektuan zehar sendoturiko harremana jarraitzeko asmoz, gabonetako kontzertuan beraiekin berriro ere kolaboratzeko eskaitza luzatu ziguten. Kimetz Abesbatzak urtero San Nikolas elizan gabonetako emanaldia eskaintzen du eta aurten gure melodien laguntzarekin, proeiktu eder eta berezi batekin gatoz.

Kontzertua, abenduaren 14an izango da San Nikolas elizan, 20:00etan. Emanaldiak hiru zati ezberdin izango ditu. Lehen zatian Kimetz Abesbatza arituko da eta euskarazko gabon kanta batzuk berreskuratuko ditu. Horrez gain, europako gabonetako hainbat melodia ere ekarriko ditu. Abesbatza Rikardo Martin Ariñoren zuzendaritzapean egongo da.

Bigarren zatian Musikalia bandakoak arituko gara. Esan bezala, urteak dira gabonetako kontzerturik egiten ez dugula eta horregatik, gabon kanta tradizionalak ekarriko ditugu gogora. Banda Asier Ituarteren zuzendaritzapean egongo da.

Azkenik, Kimetz Abesbatza eta Musikalia bandakoak elkarrekin arituko gara, Olentzero, Horra Mari Domingi eta Hator hator kantekin. Behin azken hiru hauek jakinda, espero dugu kontzertura hurbildu eta gurekin batera kantuan aritzea.