Urte berri on lagunak! Dagoeneko martxan gaude. Inoiz baino lan gehiago izan dugu gabonetan, baina energia berreskuratzeko denbora izan dugu.
Abenduaren 14an hasi ginen gabonetako kontzertua eskainiz, gure Kimetz Abesbatzako lagunekin batera eta oso kontzertu berezia eta polita egin genuen. Oso erreza da Kimetzeko lagunekin lan egitea eta plazer erraldoi bat. Hemen duzue momentu berezietako bat:
San Nikolaseko elizan eskainitako emanaldian zehar, Kimetz Abesbatzak urteko lan gogorraren erakusketa bat egin ziguten, Oihu loreak bezalako abestiak interpretatuz eta azkeneko zatian, Olentzero, Horra Mari Domingi eta Hator Hator abestiekin, ikusleak abesten jarri genituen. Kontzertu ostean, afaritxo bat egiteko aukera izan genuen eta Kimetzekoekin primeran pasatzeko aukera ere.
Urtarrilaren 5ean berriz, lehen aldiz, Errege desfilean parte hartu genuen. Hasiera batean erresa zirudiena, erronka handi batean bihurtu zen. Ibilbide kilometrikoa egiteaz gain, oinez eta jotzen egindako denborarekin gure marka guztiak hautsi genituen. Baina esperientziak berezi izan zuen. Jendetza bildu zen, batez ere Telletxen eta Kale Nagusian eta ikusleen babesa sentitu genuen momentu oro. Hemen argazki batzuk:
Aurreko ostiralean, elkarteko urteko afaria egin genuen eta ez ziren gure sari xelebreak faltatu afari bukaeran.
Sartu berri garen urte honetan 5 urte beteko ditugu. Momentuz ezin dizuegu ezer aurreratu, baina sorpresaz beteriko urtea izango da aurtengoa. Adi egon gure web orrialde eta sare sozialei.