Udaberriko kontzertuak

Behin urteko lehen emanaldia eskainia, aste honetan hainbat ekitaldi eta kolaborazioren berri emango dizuegu:

BERBABANDA (Apirilak 2, 19:00etan)

Melodiak eta letrak elkatzen dituen proiektua da hau. Ez da lehen aldia ikuskizun hau eskaintzen duguna. 2014an ere, Nahikari Ayorekin batera, Areetako musika eskolan burutu genuen lehenenego emanaldia.

Elkartea sortu genuenetik, asko izan dira Nahikari eta Aixerritako ikasleekin egindako kolaborazioak. Azkeneko urteetan herrian izandako eraikuntza lanek elkar kolaboratzeko aukerak murriztu ditu, baina oraingo honetan, Aixerrotako batxilergoko ikasleek bandarekin batera oholtza elkarbanatzeko aukera izango dute, kontzertu berezi eta ikusgarri bat eskainiz.

Aretorako sarrera, gonbidapenen bitartez kudeatuko da eta hauek eskuratzeko gure sare sozialen eta web orrialdearen bitartez komunikatuko ditugu.

ANDRA MARIKO JAIAK (Maiatzak 16, 13:00)

Urtero bezala, Andra Mariko jaietan izango gara larunbat goizean. Oso atsegina egiten zaigu auzotik ibiltzea, urtero jasotzen dugun tratu ederragatik. Gainera, urteak dira elkarteak laguntza eskaini eta ostiral gaueko txanda burutzen duena. Aurten ere, bertan izango gara auzolanean.

Aurreko urtean bezala, Zaharren egoitzan hasiko dugu gure ibilbidea. Ondoren malakate eta karpan izango gara eta aurreko urteko indabada ederraren ostean, aurten ere bazkaltzeko asmoa dugu.

SOROTAN BELE GOGOAN (Maiatzak 30)

Duela 30 urte taldea desegin eta jotzeari utzi zioten. 2020. honetan, Gorka Sarriegi eta Urbil Artolarekin batera, Sorotan Bele taldearen ibilbideko abestirik garrantzitsuenak gogora ekarriko ditugu.

Larabetzun hasiko da Sorotan Bele Gogoan bira, izan ere, taldeak eskainitako lehen kontzertua Larrabetzuko frontoian burutu baitzuten. Eta Musikalia banda bira honi hasiera emateko aukera ezinhobea izango du. Gure musikari asko taldearekin hazi ginen eta jaietan entzuten jarraitzen ditugu, beraz, oso unkigarria zaigun emanaldia izango da hau. Gainera, Musikaliak Getxorik kanpo eskantzen duen lehen emanaldia izango da.

Sarrerak dagoeneko salgai daude hemen.

PORTU ZAHARREKO KORPUSA (Ekainak 14, 18:00)

Oso berezia zaigun irteera da hau. Elkartearen sorreratik burutzen dugun emanaldia da, lehena izan zen. Eta lau urte hauetan zehar jasotako babesak bihurtu dute berezia irteera hau. Ez da egunero horrelako txoko txiki polit batean jotzen eta honek ere eragina du giroan. Aurreko urtean izandako klima ederrak asko lagundu zuen, Espero dugu aurten ere, eguraldiak ospakizunak lasai igarotzen uztea.

Nahiz eta ibilbidea zehaztu gabe egon ,erreza izango duzue gu topatzeko.

SOROTAN BELE GOGOAN (Ekainak 27, 18:00)

Aurreko hilabetean Larrabetzun burutuko dugun emanaldiarekin etorriko gara gurera. Hasiera batean Xabier Zabala eta Baga Bigako kideekin hitz egiten hasi ginenean abendu aldean, emanaldia Getxon egiteko gogoekin. Eta behin Getxoko emanaldia lotuta suertatu zitzaigun Larrabetzuko emanaldian jotzeko aukera. Ukatu ezin zitekeen proposamena izanik, urtarrilean hasi ginen emanaldiak prestatzen.