Oporrak amaitu dira eta lanera bueltatzeko unea heldu da, Feten Fetenekin eta San Juan suetan aritu ostean. Entseguak irailaren lehen ostiralean hasi genituen eta gure lehen erronka, Areeta auzoko Mesedetako jaiak izango dira.

Aurten ere emanaldiz josia egongo da ikasturtea, kaleko zein areto barruko emanaldiekin. Nahiz eta momentuz burutuko ditugun proiektuen nondik norakoen xehetasunik ezin eman, ikasturte ederra espero dugu.

Gogoratu gurekin batera musika bandan aritzeko gonbidapena zabalik jarraitzen duela. Informazio guztia hemen aurkituko duzu. Anima zaitez eta etorri gu ezagutzera!